Владимир Путин АНЭУ, Саудын Араб улсуудаар айлчлах айлчлалаа эхлүүлжээ

 Лхагва гарагт ОХУ-ын ерөнхийлөгч Владимир Путин АНЭУ-д айлчлан иржээ. Ингэснээр түүний АНЭУ, Саудын Араб улсуудаар айлчлах айлчлал эхэлж байгаа юм.

Ерөнхийлөгч Владимир Путины хувьд 2022 оны хоёрдугаар сард ОХУ Украины нутаг дэвсгэрийг эзлэн түрэмгийлэх ажиллагаагаа эхлүүлснээс хойш тухайн бүсэд огт зорчоогүй билээ. Хоёр улсын хувьд хоёул барууныхны эдийн засгийн хоригийг ОХУ-ын эсрэг хэрэгжүүлэхээс татгалзсан бөгөөд энэхүү уулзалтаар талууд өөрсдийн харилцаа холбоогоо хэр чухал болохыг харуулж буй гэж CNBC сувгаас мэдээлсэн юм. Тийнхүү айлчлалын хүрээнд Владимир Путин эхлээд АНЭУ-ын ерөнхийлөгч Мохаммэд бин Зайед аль-Нахянтай уулзах бол дараа нь тэрээр Саудын Арабын хаан ширээг залгамжлах ханхүү Мохаммэд бин Салмантай уулзах ажээ. Харин уг айлчлалын дараагаар тэрээр Ираны ерөнхийлөгч Эбрахим Райситай Москва хотноо уулзах гэнэ.