Улаанбаатарт өнөөдөр 17.00 цагаас цас орж эхэлнэ

Өнөөдөр баруун аймгуудын нутгийн зүүн, төвийн аймгуудын нутгийн өмнөд хэсгээр ахиухан хэмжээний цас орж, цасан шуурга шуурна. Улаанбаатар хотод өнөөдөр 17.00 цагаас цас орж эхлэх төлөвтэй байгааг Цаг уурын байгууллагаас анхаарууллаа. Түүнчлэн ирэх амралтын өдрүүдэд шөнөдөө -25-26 хэмийн хүйтэн байна.

Маргааш буюу нэгдүгээр сарын 18-нд баруун аймгуудын ихэнх нутаг болон төвийн нутгийн зарим хэсгээр, 19-нд  урд талын аймгуудад, 20-нд нутгийн зүүн өмнөд хэсгээр, 21-нд зүүн хагаст цаг агаар тааламжгүй байхыг Цаг агаарын байгууллагаас мэдээллээ. Энэ үеэр ихэнх нутгаар хүйтний эрч чангарч, Завхан, Идэр, Тэс гол дагасан хөндийд шөнөдөө -44 градус хүрч хүйтрэхээр байна. Мөн салхины хурд ширүүсэх бөгөөд ирэх өдрүүдийн ихэнх хугацаанд 13-15 м/с хүрнэ. Ялангуяа говь, тал, хээрийн нутагт хүчтэй салхитай байна.