Төөрсөн 13 хүүхдийг цагдаа нар олж, өгчээ
Цагдаагийн байгууллагын хүүхдийн мэргэжилтнүүд төөрсөн 13 хүүхдийг олж, эцэг эхэд нь хүлээлгэж өгчээ. Тодруулбал, 14.00 цагийн байдлаар эцэг, эх, асран хамгаалагчаасаа төөрсөн бага насны 13 (Дархан-Уул аймагт 8, Улаанбаатар хот төв цэнгэлдэх хүрээлэн орчимд 5) хүүхдийг 15-30 минутад олж, эцэг, эх, асран хамгаалагч нарт нь хүлээлгэн өгчээ.
Мөн бага насны хүүхдүүдийг төөрөхөөс урьдчилан сэргийлж, утасны дугаар бүхий бугуйвчийг тараах, болзошгүй эрсдлээс урьдчилан сэргийлэх зөвлөмж өгч ажиллаж байна.
