Төсвийн орлого өмнөх оны мөн үеэс 44.5 хувиар өсжээ
Улсын нэгдсэн төсвийн нийт орлого, тусламжийн хэмжээ энэ оны эхний дөрвөн сарын урьдчилсан гүйцэтгэлээр 10.3 их наяд төгрөгт хүрчээ. Энэ нь өмнөх оны мөн үеэс 3.2 их наяд төгрөг буюу 44.5 хувиар өссөн үзүүлэлт юм. Харин тэнцвэржүүлсэн орлого тусламжийн хэмжээ 9.9 их наяд төгрөгт хүрч, 3.2 их наяд төгрөг буюу 47.8 хувиар тус тус өсжээ.
Түүнчлэн татварын нийт орлого оны эхний дөрвөн сард 9.4 их наяд төгрөгт хүрч, өмнөх оны мөн үеэс 3.0 их наяд төгрөгөөр өссөн байна. Үүнд:
- Орлогын албан татварын орлого 1.5 их наяд төгрөг,
- НӨАТ 480.4 тэрбум төгрөг,
- Ашигт малтмалын нөөц ашигласны төлбөр 411.3 тэрбум төгрөг,
- Нийгмийн даатгалын орлого 173.2 тэрбум төгрөг,
- Онцгой албан татвар 142.3 тэрбум төгрөгөөр тус тус өссөн нь голлон нөлөөлжээ.
