ЦЕГ: Дархан-Уул аймагт цэцэрлэгийн багш нэг настай хүүхдийг зодсон гэх гомдол мэдээллийг шалгаж байна
Дархан-Уул аймагт цэцэрлэгийн багш хүүхэд зодсон хэрэг гарчээ. Тодруулбал, Цагдаагийн байгууллагад 2023 оны есдүгээр сарын 8-ны өдөр Дархан-Уул аймгийн Дархан сумын цэцэрлэгийн багш М нь нэг настай гарантай А-г зодож эрх чөлөөнд нь халдсан байна гэх дуудлага, мэдээлэл бүртгэгдсэн. Энэ дагуу Дархан-Уул аймгийн цагдаагийн газар гомдол, мэдээллийн бүртгэлд аван шалгаж байгааг Цагдаагийн Ерөнхий Газраас мэдээлэв.
