Сөрөг довтолгооны үеэр Украин 90 гаруй мянган цэргээ алджээ
Украин энэ зун эхлүүлсэн сөрөг довтолгооныхоо үеэр 90 гаруй мянган цэргийн албан хаагчаа алдсан гэж ОХУ-ын Батлан хамгаалахын сайд Сергей Шойгу мэдэгдсэн байна.
Бээжинд болж буй Шяншаний аюулгүй байдлын 10 дахь форум дээр хэлсэн үгэндээ С.Шойгу "Зургаадугаар сарын 4-нөөс буюу барууны орнууд Украины сөрөг довтолгоог өргөнөөр сурталчилж эхэлснээс хойш Киев 90 мянга гаруй цэргийн албан хаагчдаа алдсан" гэжээ. Мөн тэрээр Украины зэвсэгт хүчний 600 орчим танк, янз бүрийн ангиллын 1900 хуягт машиныг устгасан болохыг тодотгожээ.
