“Соёл-Эрдэнэ” хамтлагийн дуучин Б.Баяраа агсны гурав дахь үеийн төлөөлөл “The voice of Mongolia”-д оролцжээ
Монголын эстрад урлагийн анхдагчдын нэг цээл хоолойт “Соёл-Эрдэнэ” хамтлагийн дуучин Б. Баяраа агсны хүү Б.Хонгор гэдгийг уншигчид мэднэ. Тэгвэл түүний хүү “The voice of kids” шоунд оролцсон байна. “The voice of Mongolia” шоуг “Монгол HD” телевиз албан ёсны эрхтэйгээр жил бүр зохион байгуулсаар өдгөө долоо дахь жилтэйгээ золгож байна. Энэ жилийн шоугаа “The voice of kids” нэрийн дор үзэгчдийн хүртээл болгож байгаа нь өмнөх жилүүдийнхээсээ илүү онцлог болж байгаа аж. Тус шоунд энэ жил зөвхөн 8-14 насныхан оролцож, дуу хоолойгоо өргөх юм байна. Өнгөрсөн ням гарагт тус шоуны хоёр дахь дугаар олон нийтийн хүртээл болсон бөгөөд энэ үеэр дуучин Б.Хонгорын хүү оролцож үзэгчдэд гэнэтийн бэлэг барьсан юм. Авьяаслаг хүүгийн үзүүлбэрт гурван шүүгчид таалагджээ.
