Нийслэлд БНХАУ-ын "Yutong Bus" компани автобус нийлүүлэхээр боллоо
Нийслэлд автобус нийлүүлэхээр нэг Монгол дөрвөн гадаадын компани өрсөлдсөн. Тэгвэл “Нийтийн тээврийн автобус ” нийлүүлэх ажлыг гүйцэтгэх тухай тендерт "Yutong Bus" компани ялалт байгуулсан байна. Сануулахад, Yutong Bus Co.,Ltd-ийн зүгээс тендерийн баталгааг 917,193,165 төгрөг тендерийн баталгааны санал ирүүлсэн юм. "Yutong Bus" компани 60 жилийн түүхтэй автобус үйлдвэрлэгч компани юм байна. Өнөөдрийн байдлаар тус компани 40 гаруй улс орон, бүс нутагт 87,000 автобус экспортолсон нь дэлхийн зах зээлийн 10 гаруй хувийг эзэлж байна. Энэ оны эхээр л гэхэд Саудын Арабын зах зээлд 550 дээд зэрэглэлийн автобус нийлүүлжээ.
