Непалийн талаас 48 цаг өнгөрсөн учраас алга болсон 2 уулчинг амьд олох магадлал бага гэж мэдэгджээ
Эверестийн оргилд гарах оролдлого хийх үедээ уулчин Ц.Өсөхжаргал, Л.Пүрэвсүрэн нар сураггүй алга болоод гурав хонож байна. Тэднийг эрэн хайх ажиллагаа үргэлжилж байгаа ч одоогоор сураг гараагүй байна. Харин үүнтэй холбоотойгоор Монголын уулчдын үндэсний холбооны Ерөнхийлөгч асан, Боомтын сайд Б.Тулга "Непалийн талаас 48 цаг өнгөрсөн учраас амьд олоход хэцүү, магадлал бага эрсдэлийн өндөр түвшинд байна гэж мэдээлсэн" гэж хэллээ.
