Хохирогч хагалгаанд орсон ч ухаан ороогүй, биеийн байдал нь хүнд байна

Багш мэргэжилтэй эмэгтэйг орцонд нь олон удаа хутгалж, аминд нь санаатай халдах гэсэн  ноцтой хэрэг гарсан. Уг явдал  энэ сарын 15-ны өдөр Сэлэнгэ аймгийн Сүхбаатар суманд  болжээ. Тус суманд  амьдрах 49 настай эмэгтэй Н-ыг  Д.М гэгч нь нуруу, гар, хүзүү зэрэг амин бус газарт нь олон удаа хутгалж, аминд нь хүрэхийг завдсан тухай бид мэдээлсэн. Энэ мэдээллийн дагуу түүний ойрын эх сурвалжтай  холбогдож  дараах мэдээллийг авлаа.

-Та өөрийгөө танилцуулахгүй юу?

-Би хохирогчийн хамаарал бүхий хүн байгаа юм. Хэвлэлүүдээр сэжигтэнг хохирогчийн хамаарал бүхий хүн байсан гэх мэдээлэл гарсан. Энэ мэдээллийн агуулгаас болоод хүмүүс хамтран амьдрагчдаа хутгалуулсан гэх яриа газар аваад байна.Түүнээс сэжигтэнтэй хохирогч ямар ч холбоо, хамааралгүй.

-Хохирогчийг сэжигтэн  таньдаг байгаагүй юм уу. Энэ талаар дэлгэрэнгүй ярьж болох уу? 

-Сэжигтэн Дарханаас Сүхбаатар чиглэлд  таксинд зөвшөөрөлгүй  явдаг жолооч байсан. Хохирогч  Дарханд 8-9 сард эмчилгээнд  явж байхдаа хэд хэдэн удаа энэ таксигаар үйлчлүүлж байсан юм билээ. Түүнээс өөр холбоо  байхгүй.

-Юунаас болоод ийм хэрэг гарчихав?

-Хохирогчийг судлаад утсыг нь олж аван болзох санал тавьсан юм билээ. Хохирогч татгалзсан.  Гэтэл гэрийнх нь гадаа хүлээж байгаад боож байсан.

-Энэ явдал болохоос өмнө үү?

-Тийм,11 сард мөн орцны гадна нь боож байсан.

-Тухайн үед цагдаад мэдээлж байсан уу?

-Цагдаагийн байгууллагад мэдэгдэж байсан. Харамсалтай нь хохирогчийн биед ноцтой хохирол гэмтэл  гаргаагүй учраас энэ явдал тэгсхийгээд өнгөрсөн.

-Хэрэг болдог өдөр юу болсон юм бол?

-Хэрэг гардаг өдөр хохирогчийг гэртээ амарч байх үед ажлын газрын хүн нь  утсаар ярьж дуудаж гаргаж ирсэн. Хохирогчийг гарах үед  сэжигтэн  орцонд гэрийнх нь хаалганы ард зогсож байгаад халдсан байдаг. Тэр хохирогчийг 14 удаа хутгалсан.М. мэдүүлэг өгөхдөө хохирогчийг сайн танина хамтран амьдарч байсан гэсэн байсан. Тэр худал мэдүүлэг өгсөн байна билээ. Харин сэжигтэн хохирогчтой  Сэлэнгэд өссөн нэг сургуульд сурдаг байсныг тогтоосон байна лээ.

 -Хэргийн талаар дэлгэрэнгүй ярьвал  мөрдөн байцаалтын нууц гэдэг болсон. Ингэсгээд  хэргийн тухай ярихаа зогсоое. Хохирогчийн биеийд байдал ямар байна?

 -Биеийн байдал хүнд, хагалгаанд орсон.  Ухаан ороогүй байна.