Хог хаясан жолоочид хариуцлага тооцлоо
Гудамж, талбайд машинаасаа хог гаргаж хаясан иргэнд Цагдаагийн байгууллагаас Зөрчлийн тухай хуулийн 5.1 дүгээр зүйлийн 1-д зааснаар хариуцлага тооцжээ.
Тодруулбал, Өнөөдөр /2024.02.22/ цахим орчинд автомашинаасаа ууттай хог гаргаж хаяж буй нэгэн иргэний бичлэг цацагдаж, олон нийтийн шүүмжлэлийг дагуулсан. Тэгвэл дээрх машины эзний энэ үйлдлийг хуулийн байгууллагаас шалгаж эхэлсэн тухай бид мэдээлсэн билээ.
Олон нийтийн газар , хог хаягдлаа зориулалтын бус газар ил задгай хаях, зөрчил үйлдвэл Зөрчлийн тухай хуулиар торгууль ногдуулдаг талаар Тээврийн цагдаагийн алба болон Экологийн цагдаагийн албанаас анхаарууллаа.
