Хайлаастын осолд өртсөн гэр бүлийн дансанд 39 сая 700 мянган төгрөг цугларсан байна
Дөрөвдүгээр сарын 17-нд Чингэлтэй дүүргийн 13 дугаар хороонд Хайлаастын өрхийн эмнэлгийн урд 18:40 цагийн орчимд Prius, Verna хоёр автомашин мөргөлдсөний улмаас замаар гарч явсан 16 настай охин осолд өртөж нас барж, 6 хүүхэд нэг том хүн гэмтсэн.
Ослын улмаас амиа алдсан охин эхээс гурвуулаа, айлын бага охин байсан бөгөөд дээрээ нэг ах, нэг эгчтэй. Гэвч төрсөн эгч болох 26 настай эмэгтэй, түүний 9 настай хүү, төрсөн ахынхаа 12 настай хүүхэдтэй хамт осолд өртсөн байдаг. 26 настай эмэгтэйн биеийн байдал хүн байгаа бөгөөд осол болсноос хойш олон хоног эмнэлэгт ухаангүй байж байгаад ухаан орсон юм. Ослын улмаас нэг айлын дөрвөн хүн уг осолд өртөж, 16 настай охин газар дээрээ нас барсан байдаг.
Хүүхдүүдийн ар гэрээс өнгөрсөн долоо хоногт хандивын аян зарласан бөгөөд одоогийн байдлаар нийт 39 сая 700 мянган төгрөг цугларчээ.
