Халдлагад өртөн амиа алдсан иргэдийн тоо 137 болжээ
"Крокус Сити Холл"-д гал нээж олон хүний аминд хүрсэн алан хядагчдын нэг нь халдлага үйлдэхээсээ өмнө уг танхимд жүжиг үзсэн байжээ. Ингэхдээ уг цогцолборын дотоод зохион байгуулалт, хамгаалалтын цэгүүд, гарах гарцаа сайтар тооцолсон бололтой. Эх сурвалжийн мэдээлснээр, террористууд "Крокус Сити Холл"-д өмнө нь хэд хэдэн удаа очиж халдлагаа төлөвлөжээ.
Москва мужийн "Крокус Сити Холл" танхимд баасан гарагийн орой цэргийн далдлан хамгаалалтын хувцастай хүмүүс халдан үзэгчдийг буудан тэсрэх бодис дэлбэлж гал тавьсан. Сүүлийн мэдээгээр халдлагад амиа алдагсдын тоо 137 болоод байна.
