Хөвсгөлд голын бургас шатаж байсан нь “NASA FIRMS” системээр илэрчээ
Хөвсгөл аймгийн Эрдэнэбулган сумын Зэрлэг багийн нутаг сумын төвөөс зүүн хойд зүгт 80 км-т орших Бууралын гол хэмээх гэдэг газарт Бууралын голын эрэг дагуу бургас шатаж байгаа нь 17:20 цагт “NASA FIRMS” сайтад илэрүүлжээ.
Уг мэдээллийн дагуу тус багийн гурван иргэнээр шалгуулахад бургас шатаж байсныг унтраахаар ажиллаж 19:53 цагт цурамд оруулсан боловч гурван модны хожуул бүрэн унтраагүй байна. Тиймээс Эрдэнэбулган сумын Засаг даргын орлогч, Г.Баярсайханы ахалсан ажилтан албан хаагчид 19:53 цагт түймрийн голомт руу явсан хэмээн ОБЕГ-аас мэдээлэв.
