Гэрээсээ дайжин, сураггүй болсон хүүхдүүдийг олж тогтоон, ар гэрт нь хүлээлгэж өгчээ
Хүүхэд сураггүй алга болсон тухай дуудлага, мэдээлэл бүртгэгдэж байна. Тухайлбал: Баянгол дүүргийн нутаг дэвсгэрт энэ оны 03 дугаар сарын 04-ний өдөр 13-14 насны эрэгтэй, эмэгтэй хоёр хүүхэд гэрээсээ дайжиж явсан, мөн өдөр Сонгинохайрхан дүүргийн нутаг дэвсгэрт 13 настай эмэгтэй хүүхэд, 12 насны эрэгтэй хүүхэд сураггүй алга болсон тухай мэдээлэл иржээ. Энэ дагуу эрэн хайх ажиллагааг шуурхай зохион байгуулж, дээрх хүүхдүүдийг олж, Хүүхэд хамгааллын 108 төвийн Түр хамгаалах байранд 2 хүүхдийг, ар гэрийнхэнд 2 хүүхдийг хүлээлгэн өгч, холбогдох ажиллагааг үргэлжлүүлж байна.
Иймд эцэг эх, асран хамгаалагч нар таны хүүхэд хэнтэй найзалж, нөхөрлөн, хаагуур юу хийж явааг мэдэж байна уу, миний хүү, миний охин биеэ даах чадвартай өсвөр насны хүүхэд болсон гэж анхаарлаа сулруулалгүй болзошгүй эрсдэлээс сэрэмжлээрэй.
