Эрдэнэт үйлдвэрийн ажилчид ажил хаялтаа зогсоож, тохиролцоонд хүрчээ
"Эрдэнэт үйлдвэр" ТӨҮГ-ын зарим ажилчид өнөөдөр буюу 9-р сарын 15-ны өдөр ажил хаялт зарласан бөгөөд ажил хаялт зарлахдаа хэд хэдэн шаардлагыг үйлдвэрийнхээ удирдлагуудаас шаардаад байсан юм.
Ажил хаялт зарласан ажилчдыг "Эрдэнэт үйлдвэр" ТӨҮГ-ын захирал Г.Ёндон хүлээн авч уулзаж, асуудлуудаа хэлэлцэж шийдэлд хүрчээ. "Эрдэнэт үйлдвэр" ТӨҮГ-ын ажилчдын зүгээс цалингаа 50 хувь нэмүүлэхийг шаардсан бол удирдлагын зүгээс 15 хувиар 3 жил дараалж нэмэх боломжтойгоо илэрхийлсэн юм.
