Элсэлтийн ерөнхий шалгалт эхэллээ
Улсын хэмжээнд энэ жил 34 мянга 117 хүүхэд 12 дугаар ангиа төгсөж байна. Төгсөгчдийн Элсэлтийн Ерөнхий шалгалт өнөөдрөөс албан ёсоор эхэлж байна. Ингэхдээ түүх болон англи хэлний хичээлийн шалгалтаар эхэлж байна.
Шалгалт энэ сарын 18-ныг хүртэл зохион байгуулагдана. Энэ жилийн ЭЕШ-ийн онцлогийн талаар БҮТ-ийн захирал Л.Ганбат "ЭЕШ өнөөдрөөс эхэлж байна. Дөрвөн өдөр үргэлжилнэ. Энэ жил 34 мянга 442 шалгуулагч бүртгүүлсэн. Эдгээрийн 30 орчим мянга нь энэ жилийн төгсөгч байна. Энэ жил улсын хэмжээнд 48 байранд шалгалт авч байна. Дүн онооны систем блокчэйн технологийн нэвтрүүлсэн. Ингэснээр хүүхдүүдийн дүн шууд уншигдана. Уншигдсан дүн оноо нь блокчэйн технологи дээр байршина" гэлээ.
