Дарханы замд осол гарч, 2 хүн нас барж 4 хүн гэмтжээ
Сэлэнгэ аймгийн Баянгол сум, “УУ” хөтөл гэх газарт өчигдөр 22 цаг 15 минутын үед “Зам тээврийн ноцтой осол гарсан” дуудлага цагдаагийн байгууллагад бүртгэгджээ. Цагдаагийн газраас ослыг шалгахад өвс тээвэрлэж явсан Hyundai маркийн тээврийн хэрэгслийн араас Toyota маркийн тээврийн хэрэгсэл мөргөсөн байна. Ослын улмаас мөргөсөн тээврийн хэрэгслийн жолооч нэг зорчигчийн хамт амь насаа алдаж, зорчиж явсан 10-46 насны 4 хүн гэмтжээ.
