Чөлөөтийн ДАШТ-д манай 20 тамирчин зодоглоно
Чөлөөт бөхийн насанд хүрэгчдийн ДАШТ есдүгээр сарын 16-21-ний өдрүүдэд Серби улсын нийслэл Белград хотод болно. Энэ тэмцээнд манай тамирчдаас ДАШТ-ий мөнгө хүрэл медальт, Гавьяат тамирчин M.Лхагвагэрэл, Н.Наранхүү, Г.Отгонжаргал, ОУХМ З.Занабазар нарын эрэгтэй, эмэгтэй тус бүр 10 тамирчинтай бүрэн бүрэлдэхүүнээрээ оролцоно. Тэмцээний эхний өдөр буюу есдүгээр сарын 16-ны өдөр ДАШТ-ий мөнгө хүрэл медальт гавьяат тамирчин M.Лхагвагэрэл зодоглоно.
Манай багийнхны сүүлч өнөө өглөө Серби улсыг зорилоо. Чөлөөт бөхийн дэлхийн аварга шалгаруулах тэмцээнийг Монголд анх удаа Priemer Sports network сувгаар албан ёсны эрхтэйгээр шууд дамжуулан үзүүлэх юм байна.
