Аюулт үзэгдэл, ослын улмаас 22 тэрбум төгрөгийн хохирол учирчээ
Аюулт үзэгдэл, ослын тохиолдол энэ оны эхний таван сарын байдлаар 2351 удаа бүртгэгдэж, өмнөх оны мөн үеэс 393-аар өссөн үзүүлэлттэй гарчээ. Тухайн аюулт үзэгдэл, осолд нийт 3603 хүн нэрвэгдэж, 22 тэрбум төгрөгийн хохирол учирсан байна. Түүнчлэн ус, цаг уурын гаралтай аюулт үзэгдэл 164, геологийн гаралтай аюулт үзэгдэл 44, биологийн гаралтай аюулт үзэгдэл 52, хүний үйл ажиллагаатай холбоотой осол 2091 удаа тус тус бүртгэгджээ.
