Авто машинаа олон нийтийн газар цэвэрлэж, хогоо ил хаясан жолоочийг цагдаагийн байгууллагаас шалгаж байна
Өнөөдөр /2024.02.22/ цахим орчинд автомашинаасаа ууттай хог гаргаж хаяж буй нэгэн иргэний бичлэг цацагдаж, олон нийтийн шүүмжлэлийг дагуулсан. Тэгвэл дээрх машины эзний энэ үйлдлийг хуулийн байгууллагаас шалгаж эхэлжээ.
Олон нийтийн газар , хог хаягдлаа зориулалтын бус газар ил задгай хаях, зөрчил үйлдвэл Зөрчлийн тухай хуулиар торгууль ногдуулдаг талаар Тээврийн цагдаагийн алба болон Экологийн цагдаагийн албанаас анхаарууллаа.
