Гурилын үйлдвэрт гарсан гал түймрийг унтраахаар 100 гаруй алба хаагч, 20 орчим техник хэрэгсэлтэй ажиллаж байна
Онцгой байдлын газраас дараах мэдээллийг өгчээ. “Өнөөдөр /2025.10.09/-ний өдрийн 05:03 цагт Баянгол дүүргийн 24 дүгээр хороонд гурилын үйлдвэр гал гарч байна гэсэн дуудлага мэдээлэл ирсэн. 
Дуудлагын дагуу нийслэлийн Онцгой байдлын газрын Гал түймэр унтраах, аврах 10, 14, 18, 26, 30, 34, 63 дугаар ангийн 100 гаруй алба хаагч, 20 орчим техник хэрэгсэлтэйгээр унтраах ажиллагааг зохион байгуулж байна. Гал түймрийн тархалтыг 08:30 минутад зогсоож, бүрэн унтраахаар ажиллаж байна” гэсэн байна.
