Найзууддаа зодуулж амиa алдсан 18 настай хүү хүний ганц хүү байжээ
"Төв аймагт 18 настай эрэгтэйг найзууд нь зодож, улмаар эмнэлэгт хүргэгдсэн ч нас барсан. Тухайн иргэний тархийг хүнд гэмтээсэн тул ухаан орохгүй байсаар бурхан болсон" гэх мэдээлэл гараад байгаа юм. Төв аймагт 18 настай залуу найзууддаа тархиа бяцартал зодуулсан гэх мэдээлэлд цагдаагийн байгууллагаас тайлбар өгсөн .
Тус мэдээлэлдээ, "Өнгөрсөн сарын 25-ны өдөр "Мориноос унасан" гэх дуудлага мэдээлэл бүртгэгдээд шалгах ажиллагаа явагдаж байгаа. Одоогоор зодуулсан нөхцөл байдал тогтоогдоогүй" хэмээсэн. Тэгвэл иргэн Н.Эрдэнэ
"Төв аймгийн нэгдсэн эмнэлэгт 18 настай хүү гэртээ байж байхад нь найз нар нь ухаангүй болтол тархи толгой руу нь зодоод өнөөдөр бурхан болчихлоо гэж байна. Хүү ухаан ороогүй ч ээжийнхээ гарыг тас атгасаар ээжийгээ орхиод явж. Үйлчлэгч хийдэг ээж нь хүүгээ сургуульд оруулах гэж бөөн хөөр баяр болоод төлбөр мөнгө зээл тавиад сургаж чадсангүй айлын ганц хүү ээждээ байсан ганц хүү нь явжээ.Хүү энэ хүнд гэмтэлтэй хорвоог орхиод явж чадаагүй ганцхан хоргодож байсан зүйл нь ээж нь байсан байх даа.Ээжийнхээ хурууг чанга атгасаар байсан гэнэ. Царайлаг нуруулаг ямар хөөрхөн хүү вэ.Энгэр дүүрэн одонтой ээжийнхээ бахархал болсон хүү сайхан хүү байсан гээд хүн бүхэн харамсаж гашуудаж байна.Нутаг орон найз нөхөд ах дүү нар чинь чамайг ийм сайхан хүүг алдсандаа харамсан гашуудаж байна"
гэлээ.
