Азийн залуучуудын наадамд манай улсаас 200 орчим тамирчин оролцоно
Бахрейн улсын Манама хотноо ирэх сарын 22-31-ний өдрүүд зохион байгуулах Азийн залуучуудын III наадамд манай улс спортын 23 төрлөөр 200 орчим тамирчин оролцуулахаар бэлтгэл сургуулилтаа хангаж байна.
МҮОХ-ноос “Бахрейн 2025” Азийн залуучуудын наадамд оролцох баг тамирчдын бэлтгэл сургуулилтанд зориулж Монголын Тэквондогийн холбоонд 10 сая, Дугуйн спортын холбоонд 8 сая төгрөгийг тус тус олгохоор болжээ. Цаашид тус наадамд оролцох спорт холбоодын төлөөллийг үе шаттай хүлээн авах юм.
“Бахрейн 2025” Азийн залуучуудын наадам нь Залуучуудын Олимпын өмнөх жил болж байгаагаараа онцлог юм.
