Д.Трампын имортын татвар оноох улсуудын ЖАГСААЛТАНД МОНГОЛ УЛС ОРЖЭЭ
АНУ-ын ерөнхийлөгч Дональд Трамп дэлхийн бараг бүх улсын бараа бүтээгдэхүүнд импортын татвар оноох шийдвэрийг зарлав. Зарласан жагсаалтад 185 улсын нэр байгаа юм. Энэ жагсаалтанд Монгол Улс багтжээ. 
Энэ нь АНУ-ын бараа бүтээгдэхүүнд импортын татвар оноодог улс бүхэнд "хариу " арга хэмжээ гэв. Уг татварын суурь хэмжээг 10 хувь байхаар тооцсон байна.
Үүний улмаас Монгол улсаас АНУ-д нийлүүлдэг бараа одоо 10 хувийн татвартай болж байна.
Түүний уг шийдвэр энэ сарын 5-ны өдрөөс хэрэгжиж эхлэх юм байна.
Мөн АНУ-ын худалдааны алдагдлын хэмжээнээс шалтгаалан зарим нэг улсад илүү өндөр татварын хэмжээ ногдуулж магадгүй аж. Энэ хэмжээ 50 хувьд хүрч болзошгүй байна.
Зарим улсууд зөвхөн суурь татварт л хамаарна, үүнд:
Монгол Улс
Их Британи
Сингапур
Австрали
Шинэ Зеланд
Турк
Колумб
Аргентин
Эль Сальвадор
АНЭУ
Саудын Араб
Хамгийн өндөр тариф
Цагаан ордны албаны хүмүүс мэдээлснээр дөрөвдүгээр сарын еснөөс эхлэн хамгийн өндөр гаалийн татвартай 60 орчим оронд тодорхой хариу тариф оноох аж. Тэдний мэдээлснээр эдгээр улс нь АНУ-ын бараа бүтээгдэхүүнд өндөр татвар ногдуулж, АНУ-ын худалдаанд тарифын бус саад тавьдаг, Америкийн эдийн засгийн зорилгыг алдагдуулсан байна.
Нэмэлт тариф оноох улсуудаас дурдвал:
Европын холбоо 20 хувь
БНХАУ 34 хувь
Вьетнам 46 хувь
Тайланд 36 хувь
Япон 24 хувь
Камбож 49 хувь
Өмнөд Африк 30 хувь
Тайвань 32 хувь
Мөн автомашинууд болон эд ангиудад 25 хувийн татвар ногдуулахаа мэдэгджээ. Трамп энэ шийдвэр нь автомашины салбарт "том өсөлт" авчрах бөгөөд АНУ-д ажлын байр, хөрөнгө оруулалтыг нэмэгдүүлнэ гэдгийг мэдэгдсэн. Гэхдээ шинжээчид уг шийдвэр нь АНУ-д автомашины үйлдвэрлэл түр зогсох, үнийн өсөлт бий болох, түншүүдтэйгээ харилцаа хурцдах магадлалтай гэж үзжээ. Өнгөрсөн онд АНУ ойролцоогоор найман сая автомашин импортолсон нь 240 тэрбум ам.долларын худалдааг бүрдүүлсэн бөгөөд нийт борлуулалтын бараг тал хувийг эзэлсэн байна. АНУ-ын хамгийн том автомашин нийлүүлэгч орон нь Мексик бөгөөд дараа нь Өмнөд Солонгос, Япон, Канад, Герман улсууд ордог аж.
Мөн АНУ, Мексик, Канад гурван улсын чөлөөт худалдааны гэрээний хүрээнд АНУ-ын олон автомашин үйлдвэрлэгч Мексик болон Канадад үйлдвэрүүдээ барьсан байдаг.
