''УИХ-ын гишүүн Д.Цогтбаатарыг авч үлдэх'' ажлын хэсгийг Х.Тэмүүжин ахлаж, дэнсэлнэ

УИХ-ын гишүүн Д. Цогтбаатар гуравдугаар сарын 10-нд Улсын Дээд шүүхийн эрүүгийн хэргийн танхимд хандан "Ял эдлэх хугацааг хойшлуулж өгөх" хүсэлт хүргүүлж байсан тухай мэдээлсэн билээ.

Харин УИХ дахь Ардчилсан намын бүлэг  "Д.Цогтбаатарыг УИХ-ын гишүүнээр нь авч үлдэх" ажлын хэсгийг байгуулж, Х.Тэмүүжингээр ахлуулахаар болсон байна. АН-ын бүлгийн гишүүд "Д.Цогтбаатар гишүүний асуудлаас урьдаад УИХ-ын гишүүний бүрэн эрх, УИХ-ын гишүүний халдашгүй байдалтай холбоотой асуудал байна" гэж дүгнэсэн гэнэ.

Тиймээс Х.Тэмүүжин гишүүнээр ахлуулсан ажлын хэсгийг байгуулж хууль зүйн дүгнэлт гаргуулахаар болжээ. Үндсэндээ Д.Цогтбаатарыг хэрхэн авч үлдэх хуулийн гаргалгааг Х.Тэмүүжин дэнслэх болсон бололтой.