Г.Дашням Хөлбөмбөгийн холбооны ерөнхийлөгчид нэр дэвшихээ мэдэгдлээ

3-р сарын 26, 2025 - 18:52
8 өдрийн өмнө
 0  13
Г.Дашням Хөлбөмбөгийн холбооны ерөнхийлөгчид нэр дэвшихээ мэдэгдлээ

Монголын хөлбөмбөгийн холбоо (МХБХ)-ны Ерөнхийлөгчийн болон Зөвлөлийн гишүүний сул орон тооны нөхөн сонгууль /2023-2027/ ирэх дөрөвдүгээр сарын 29-ний өдөр болно.Монголын хөлбөмбөгийн холбооны Ерөнхийлөгчид "G-Mobile" компанийн ТУЗ-ын  дарга Г.Дашням нэрээ дэвшүүлжээ | iSee.mn

Тус сонгуульд нэр дэвшиж, хөлбөмбөгийн холбооны удирдлагын төлөө өрсөлдөх хүмүүс энэ өдрүүдэд анхаарлын төвд байгаа бөгөөд өнөөдөр Gmobile ТУЗ-ын дарга, "Jet Sharing Mongolia"-г үүсгэн байгуулагч Г.Дашням Ерөнхийлөгчийн сонгуульд нэр дэвшихээ мэдэгдлээ.

Тэрбээр "Миний бие өөрийн итгэл үнэмшил, хөлбөмбөгт хайртай найз нөхөд, хамтран зүтгэгчдийн дэмжлэгээр Монголын хөлбөмбөгийн холбооны Ерөнхийлөгчид нэр дэвших хүсэлтээ өгөхөөр боллоо. 

Өөрийн хөлбөмбөгийн туршлагаа товч дурдвал:
2016 онд "Улаанбаатар Сити" багийг үүсгэн байгуулсан.

  • 2017 онд Холбооны Цомын аварга
  • 2018 Супер Цомын аварга 
  • 2019 онд Үндэсний дээд лигийн аварга багаар шалгарч амжилт гаргасан. 
  • 2019-2020 МХБХ-ын Дэд Ерөнхийлөгчөөр ажиллаж байсан. 

Түүнчлэн эх орныхоо хөл бөмбөгийн хөгжилд хувь нэмэр болох үүднээс Хөлбөмбөгийн FIFA стандарт талбай (Green Fields), Өвлийн бэлтгэлийн битүү талбайг өөрийн хөрөнгөөр байгуулж 2018 онд ашиглалтанд оруулсан.

Тамирчдын нийгмийн баталгааг сайжруулахад тогтмол анхаарч ирсэн, цалин, урамшуулал, 1 тамирчинд орон сууц, 6н тамирчинд авто машины дэмжлэг үзүүлсэн болно.

Хөлбөмбөгийн холбоог тойрсон бусармаг явдал, шударга бус зүйлстэй анхнаасаа эвлэрч байгаагүй. Их спортыг амьжиргааны суваг болгож, хувийн ашиг сонирхолоор хандах шаардлага, сонирхол, хүмүүжил надад байхгүй. Хөлбөмбөгт хайртай хүн бүртэй зүрх сэтгэл нэгдэж тууштай зүтгэх болно" гэж олон нийтэд мэдэгдлээ.

Share:
13

like

dislike

love

funny

angry

sad

wow