Өмнөговьд шороон шуурга болж айлын байшингийн дээвэр, хашаа нуржээ
Өмнөговь аймгийн Ханбогд сумын төвд 16 цагийн байдлаар ширүүн шороон шуурганы улмаас 2 айлын байшингийн дээвэр нурж, айлуудын хашаа унасан эрсдэл гарлаа. Аймгийн нийт нутгаар салхи секундэд 18-20 метр, зарим үед секундэд 24 метр хүрч шороон шуурга шуурахыг мэргэжлийн байгууллагууд анхааруулж байсан юм. Тиймээс иргэдийг цаг агаарын сэрэмжлүүлэг мэдээллийг анхаарч, болзошгүй эрсдлээс хамгаалан сонор сэрэмжтэй байхыг анхаарууллаа. 
Та бүхэн:
- Бага насны хүүхэд өндөр настнаа асран хамгаалагчгүй үлдээхгүй байх,
- Айл өрхүүд ахуйн аюулгүй байдлыг хангах,
- Үнс нурмаа зориулалтын тагтай саванд асгах,
- Болзошгүй гал түймрээс хамгаалах,
- Малчид тээвэрчид анхаарал болгоомжтой байхыг сэрэмжлүүлж байна!
