Истанбул хотын дарга Экрем Имамоглуг авлига, террорист бүлэглэлд тусалсан хэргээр баривчилжээ
Туркийн хууль сахиулагчид Ерөнхийлөгч Режеп Тайип Эрдоганы улс төрийн гол өрсөлдөгч, Истанбул хотын дарга Экрем Имамоглуг авлига, террорист бүлэглэлд тусалсан хэргээр баривчилжээ.
Э.Имамоглуг лхагва гаргийн өглөө баривчилж, гэмт хэргийн байгууллага удирдсан, хээл хахууль авч тендер будилаантуулсан зэрэг хоёр өөр хэргээр мөрдөн шалгаж эхэлжээ. 54 настай Имамоглу нь зарим санал асуулгаар Эрдоганоос илүү нэр хүндтэй байгаа тул Туркийн сөрөг хүчин болох Бүгд найрамдах ардын нам түүнийг Ерөнхийлөгчийн сонгуульд өрсөлдүүлэхээр зэхэж байжээ. Истанбул хотын даргаар улиран сонгогдсон сөрөг хүчний улстөрчийг Ерөнхийлөгчийн сонгуулийн өмнө ийнхүү баривчилсан нь эрх баригчдын захиалга гэж хардах хэсэг байгаа юм.
Баривчилгааны дараа эсэргүүцлийн жагсаал болохоос урьдчилан сэргийлэх Истанбул хотод дөрвөн өдрийн турш жагсаал хийхийг хориглолоо.
