Д.Трамп В. Зеленськийтэй утсаар ярьж, Украины цахилгаан станцуудыг өөрсдийн мэдэлд авах санал тавьж, энэ нь Украины эрчим хүчний дэд бүтцийг хамгаалах "хамгийн сайн арга" гэлээ
АНУ-ын ерөнхийлөгч Д. Трамп ОХУ-ын ерөнхийлөгч В. Путинтэй ярилцсанаас нэг хоногийн дараа Украины ерөнхийлөгч В. Зеленськийтэй ярьсан байна.
Д.Трамп В. Зеленськийтэй ярихдаа Украины цахилгаан станцуудыг өөрсдийн мэдэлд авах санал тавьж, энэ нь Украины эрчим хүчний дэд бүтцийг хамгаалах "хамгийн сайн арга" гэж үзэж байгаагаа илэрхийлсэн гэдгийг дэлхийн хэвлэлүд мэдээлж байна.
Тэдний яриа нэг цаг гаруй үргэлжилж, Трампын тодорхойлсноор маш “үр дүнтэй” болсон гэнэ. В.Зеленський ч Трамптай хийсэн яриагаа “их ач холбогдолтой” байсан гэж тодотгов. Тэрбээр Х хуудастаа “Бид АНУ, ерөнхийлөгч Трамптай хамтран тэдний удирдлага дор энэ жилдээ багтан энх тайвныг тогтоож чадна гэдэгт итгэж байна” хэмээн бичсэн байна.
Трампын хувьд илүү өргөн хүрээтэй гал зогсоох тохиролцоонд хүрэхийг зорьж байгаа ч мягмар гарагт Путин АНУ болон Украины дэмжсэн 30 хоногийн бүрэн хэмжээний гал зогсоох саналыг дэмжээгүй юм.
