''The MongolZ'' 80 мянган ам.долларын шагналыг хүртлээ
"ESL Pro League"-ийн 21 дэх удаагийн улирал Шведийн Стокхольм хотод болж байна.
400 мянган ам.долларын (1.3 тэрбум төгрөг) шагналын сантай тэмцээнд Монголын "The MongolZ" баг шигшээ шатанд гурав дахь удаа, хагас шигшээд анх удаа шалгарч, мажорын аварга баг болох Францын "Team Vitality" багтай тоглолоо. Улмаар тоглолтод 1-2 (Anubis 6-13, Nuke 16-14, Inferno 2-13) харьцаагаар Vitality хожсон юм. Ийнхүү ''The MongolZ'' тэмцээнээ 3-4-р байраар дуусгаж, 80 мянган ам.долларын шагналыг хүртэж байгаа бөгөөд үүний 25 мянган (86 сая төгрөг) долларыг тоглогчдод, 55 мянган ам.долларыг ''The MongolZ'' гэх цахим спортын багт өглөө.
