60 гаруй үйлдлээр тэрбум гаруй төгрөгийн эд зүйл хулгайлсан бүлэг хулгайчдыг цагдаагийнхан баривчилжээ
10 гаруй аймаг дамжиж 60 гаруй үйлдлээр тэрбум гаруй төгрөгийн эд зүйл хулгайлсан бүлэглэлийг цагдаагийнхан баривчилсан байна. Орон нутагт барилгын ажил хийх, аялал зугаалгаар явж байна гээд айлуудыг судалж алт, мөнгө, үнэт эдлэлийг хулгайлж ченжүүдэд борлуулдаг байж. Нэгжлэг хийхэд 17 сая төгрөг, “Ноён сэврэй” хийцийн 10 ширхэг мөнгөн аяга, 45 ширхэг хөөрөг, 11 ширхэг хөөргөний шүрэн толгой, 15 ширхэг хөөргөний даалин, металл хайгч, мөнгөн хэт хутга зэрэг эд зүйлс гарч иржээ. Хулгайчид хотод паб, караоке түрээсэлж, мөнгө угаадаг. Том жийп унаж, амины орон сууц барьчихсан, гэр бүлийн гишүүдээ гадаад руу явуулахаар виз мэдүүлсэн байсныг цагдаагийнхан барьжээ.
