Д. Трамп В. Путинтэй утсаар 30 минут ярьж дуусаад цахим хуудастаа ''Орос, Украины ард иргэдийг бурхан ивээг!''гэж бичжээ
АНУ-ын ерөнхийлөгч Дональд Трамп Оросын ерөнхийлөгч Владимир Путинтэй утсаар 30 минут ярьжээ. Хоёр улсын тэргүүн дайныг дуусгах хэлэлцээг даруй эхлүүлэхээр санал нэгдсэн бөгөөд харилцан нэгнээ улсдаа айлчлахыг урьсан байна. АНУ-ын ерөнхийлөгч өөрийн цахим хуудастаа “Ямар ч хэрэгцээгүй их үхэл, сүйрэлд хүргэсэн утгагүй дайныг зогсоох цаг нь болсон. Орос, Украины ард иргэдийг бурхан ивээг!” хэмээн бичсэн байна. Трамп хэзээ Путинтэй нүүр тулж уулзахаа хэлээгүй ч дараа нь сэтгүүлчдийн асуултад хариулахдаа "Бид Саудын Арабад уулзана" гэжээ.
