Гурван сар үргэлжилсэн дээд лигийн финалд Хасу Мегастарс клуб ялагдалгүй амжилттай аварга боллоо

Волейболын Дээд Лигийн 2024-2025 оны улирлын аваргын цомыг Хасу Мегастарс клуб өргөхөөр болж, Дээд лигийн хошой аварга болов. Гурван сар үргэлжилсэн дээд лигийн финалд тэд 3-0 гэсэн ялагдалгүй амжилттай аварга болж байна. Тэдний өрсөлдөгч Төв МиГ лигт элссэн эхний жилдээ финалдав. Лигийн хүрэл медалийг SG Hawks баг Натурмед Бакс багийг буулган авч хүртсэн юм.

Өнгөрсөн жил Хасу Мегастарс клуб хүрэл медаль энгэртээ зүүж байв. Ийн бүтэн жилийн хугацаанд аваргын төлөөх дайралтдаа чамбай бэлдэж ийн зорьсон доо хүрсэн юм. Тэдний тухайд тойргийн тоглолтуудад ердөө нэг хожигдож, хасагдах болон аваргын цувралд нэг ч хожигдолгүй тоглосон. Лигийн арвин түүхтэй багуудын нэг Хасу Мегастарс 2 удаагийн аварга, 2 удаагийн мөнгөн медаль, 1 удаагийн хүрэл медалийн эзэд болоод байна.