Монгол Улсын анхны Ерөнхийлөгч, Төр нийгмийн нэрт зүтгэлтэн П. Очирбат агсанд хүндэтгэл үзүүлэх, салах ёс гүйцэтгэх ажиллагаа болж байна
Монгол Улсын анхны Ерөнхийлөгч, Бүгд Найрамдах Монгол Ард Улсын Ардын Их Хурлын Тэргүүлэгчдийн дарга, “Чингис хаан” тэргүүн зэргийн одонт, төр, нийгмийн нэрт зүтгэлтэн Пунсалмаагийн Очирбатыг хүндэтгэл үзүүлэх, салах ёс гүйцэтгэх ажиллагаа болж байна. Өнөөдөр 07.00 цагаас 25-ны 00.00 цаг хүртэлх хугацаанд соёл урлаг, биеийн тамир, спортын тоглолт зэрэг олон нийтийг хамарсан арга хэмжээ зохион байгуулахыг хориглосон билээ. Энэ өдрийн 12.00 цагт улс орон даяар автомашин, галт тэрэг, цахилгаан станцын дуут дохиолол өгч, төрийн албан хаагчид нэг минут зогсож хүндэтгэл үзүүлэх юм.
