"Дарханы төмөрлөг"-ийн үйлдвэрт осол болж, нэг хүн бэртжээ
"Дарханы төмөрлөг"-ийн үйлдвэрт өчигдөр /2024.10.23/осол гарч, үйлдвэрийн ажилтан бэртжээ.
Тодруулбал, өчигдөр 15:00 цагийн үед Станцын ил хуваарилах байгууламжийн газардуулга гарч, тухайн ээлжинд гарч байсан нэг иргэн хөнгөн бэртсэн.
Биеийн байдал нь хэвийн байгаа. Осол гарсны дараа Нэгдсэн эмнэлэгт хүргэгдсэн. Алга нь бага зэрэг улайлааттай, түүнээс биш ил харагдах шарх сорив байхгүй. 23:00 цаг хүртэл биеийн байдлыг нь ажиглана гэсэн. Тухайн ээлжинд гурван хүн байсан. Хамт байсан хүмүүсийн бие зүгээр байгаа аж.
