Аса аварга Д.Дагвадорж: Надаар эхэлсэн Монголын ноёрхол энэ хүрээд дуусдаг юм байна
Мэргэжлийн сүмо бөхийн Аки башёгийн 15 дахь өдрийн барилдаан өчигдөр болж, шинэ аваргатай болжээ. Энэ улирлын башёд ёкозүна Тэрүнофүжи Г.Ган-Эрдэнэ бэртлийн улмаас барилдаагүй. Иймд бусад бөхчүүдэд боломж гарч ирсэн нь энэ. Улмаар Оносато 13 даваа, хоёр унаатай энэ удаагийн башёд түрүүлэв. Өдгөө 24 настай тэрбээр энэ жил хоёр дахь удаагаа эзэн хааны цомыг хүртэж, озэки цолны болзлоо хангажээ. Энэ тухай сүмо бөхийн их аварга Асашорюү Д.Дагвадорж өөрийн цахим хуудсаараа дамжуулан, “Надаар эхэлсэн Монголын ноёрхол энэ хүрээд дуусдаг юм байна. Заяагүй шаарнууд” хэмээн жиргэжээ.
