Б.Занданбат өсвөр үеийн Азийн аваргаас хүрэл медаль хүртлээ
Кыргызстаны нийслэл Бишкек хотод чөлөөт бөхийн "U17" насны Азийн аварга шалгаруулах тэмцээн болж өндөрлөлөө.
Тус тэмцээнд эх орноо төлөөлөн өсвөрийн тамирчид оролцсоноос Батсайханы Занданбат хөвгүүдийн 60 кг-ын жинд хүрэл медаль хүртэв.
Тэрбээр Японы Котэцү Кюүдэнийг 11:1-ээр ялж хагас шигшээд шалгарсан билээ.
Улмаар Ираны Саид Голамхассан Пирдаянд 4:8-аар ялагдсан юм. Харин хүрэл медалийн төлөөх барилдаанд Узбекистаны Шамшиддин Жумабоевыг 11:0-ээр ялж Азийн аваргын хүрэл медалийг хүртэв.
