Төрөх эмнэлэгт очихоор таксигаар зорчсон эмэгтэй замдаа амаржжээ

Төв шуудангийн баруун урд талын замд хөдөлгөөнд оролцож явсан автомашины жолооч нэгдүгээр эгнээнд гэнэт зогсож түгжрэл үүсгэсэн байна.
Ойр орчимд нь үүрэг гүйцэтгэж явсан цагдаагийн ахлах ахлагч Т.Ганхуяг зохицуулахаар очиход дээрх автомашинд зорчиж явсан эмэгтэй замын хажууд амаржсан байсан тул яаралтай зохицуулалт хийжээ. Түргэн тусламжийн автомашин дуудан зам чөлөөлж, нэгдүгээр төрөх эмнэлэгт шуурхай хүргэж өгсөн байна.
Урьдчилсан байдлаар хүүхдийн биеийн байдал хэвийн байгаа тухай мэдээллийг эмнэлгийн зүгээс цагдаагийн байгууллагад мэдээллээ. Энэ хэрэг амралтын өдөр гарсан юм. Төрөх гэж явсан эмэгтэй ийн замдаа төрсөн нь цахим орчинд олон хүн Улаанбаатар хотын халтиргаа гулгаа, түгжрэлийг шүүмжилэн буруутгасан юм.