Төрийн өмчит газрынхаа үйл ажиллагааг зогсоогоод GS25 салбарыг Төрийн ордонд оруулах хүртлээ дампуурсан МАН

   "Төрийн ордны мэдээлэл, үйлчилгээний цогцолбор" төрийн өмчит, аж ахуйн тооцоот газрын үйл ажиллагааг  зогсоогоод Төрийн ордонд GS25 сүлжээ дэлгүүрийн салбарыг нээхээр болжээ. Яаж ч бодсон энэ асуудал өнөөдөр учир мэдэх монгол хүн бүрийн дургүйцлийг хүргэлээ. Ямар ч улс оронд бодлого, үнэнт зүйл гэж байсаар ирсэн. Харин Засгийн эрхийг барьж буй МАН-ынхны  үед Монголын Төрийн ордон зүг чигээ алдсныг GS25 сүлжээ дэлгүүрийн салбар нээтлээ дорд орсныг харуулж байна. Хэнийг юуг ч дэмжиж болно гэхдээ  үндэстнийхээ эрх ашгийг нэгдүгээрт тавих ёстой.  Бас монголчуудын Төрийн ордон гэдгийг бүү март.

  Та нарыг суулгах үедээ суулгаж, авч хаях үедээ аваад л хаячихна. Монголчууд өөрсдийнхөө сайн сайхан амьдралын төлөө итгэж сонгосон. Энэ сонголтын хариуд 7 жил үр хүүхдүүд нь эмнэлгийн шалаар хэвтэн  эмчлүүлж, хүчирхийлэлийн золиос болж байхад та нар  эх орныхоо  нүүрсийг хулгайлж, Хөгжлийн банкнаас авсан зээлээрээ тансаглаж байна.  Үүнээс харвал та нарт үнэлэх зүйл, үнэ цэнтэй зүйл гэж хэдийнээ байхаа болсныг харууллаа. Төрийн ордныг нэг давхрын жигүүрийг гадаадын сүлжээ дэлгүүрт найр тавин өгч байна. Гудамжиндаа байх ёстой сүлжээ дэлгүүрийг юуны учир Төрийн ордонд оруулах хүсэл төрөө  вэ?

   Төрийн ордны зоогийн газрыг зориулалтын дагуу түрээслэх сонгон шалгаруулалтыг нэгдүгээр сарын 10-нд зарласан гэнэ. Гурван компани сонгон шалгаруулалтад оролцож өрсөлдсөн юм байх. Тэднээс GS25 хамгийн сайн үнэлгээг авч, Төрийн ордонд үйл ажиллагаа явуулахаар болсон гэнэ. Тайлбар нь ердөө л энэ. Агуулга ач холбогдоо үнэлж мэддэггүй эрх мэдэлтнүүд  ийм л өнгөөр тайлбар хийж сууна. Төрийн ордонд  гадаадын нэртэй  сүлжээ дэлгүүр нээчихээд 100 хувь монголчууд энэ дэлгүүрийг Франчайзын гэрээг нь л Солонгосоос худалдаж авдаг болохоос өөрсдөө  ажиллуулдаг гэсэн ухуулга үгийг араас нь дайж байх юм. Өөр нэг үндэсний үйлдвэрлэгч эсвэл монгол  хоолны газар ордонд  байх эрхгүй гэнэ. Дэлхийн стандартаар GS25 шалгараад байгаа юм байх.  Монголчууд эзэмшиж байгаа гэхээр тайвширна гэж бодоо юу. Үүний цаана юу нуугдаж байна вэ.

    МАН-ын хэдийнээсээ гадаад гэж хамгаа барих, гадаад гэхээр шүтдэг ,гадаадад сурсан гэхээр  үнэн худлааг нь мэдэхгүй, хэр боловсрол зэмшсэнг нь ялгалгүй хамгаа барьдагаа болих вэ. Социализмын үеэс  суусан энэ зангаа залуу хүмүүс нь тавьж чадахгүйгээс болж, эх орон чинь сүйрч байна.

  Орой болгон архи зарж, насанд хүрээгүй хүүхдүүдийг шөнийн цагаар хямдхан ажиллуулдаг  энэ сүлжээ дэлгүүр тийм сайндаа тендерт шалгарсан уу. Хаана аль салбар, насанд хүрээгүй хүүхдүүдийг шөнийн цагаар ажиллуулж хэдэн төгрөг өгдөгийг нь хэлээд өгөх хүмүүс ч байна. Дэндүү ард олноо басамжилсан эрх мэдлийг өнгө мөнгө гээд бодсон хулгайч луйварч нь дэндсэн энэ төрийн түшээд Төрийн ордонг юу гэж бодсон байх вэ. Энэ талаар нэхэн сурвалжилах болно.