Түр хорооны дарга Б.Энхбаяр Чингэлтэй дүүргийн шүүхэд ханджээ
Нүүрсний сонсголын хоёр дахь үе шат ирэх даваа гаригт эхэлнэ. Энэ сонсголд Эрдэнэс Тавантолгой ХК-ийн гүйцэтгэх захирал асан Б.Ганхуяг гэрчээр дуудагдаж буй. Түүнийг сонсголын эхний хэсэгт гэрчээр дуудсан ч шүүхийн шийдвэрээр хоригдож буй яллагдагч гэсэн шалтгаанаар оролцуулаагүй. Тэгвэл сонсголын хоёр дахь шатанд Б.Ганхуягийг гэрчээр оролцуулахаар УИХ-ын Түр хорооны дарга Б.Энхбаяр Чингэлтэй дүүргийн Эрүүгийн хэргийн анхан шатны шүүхийн Ерөнхий шүүгчид хандлаа.
Тус албан бичигт Б.Ганхуяг нь сонсголын гурван өдөр нийт есөн асуудалд гэрчийн мэдүүлэх өгөх ёстойг дурдаж, оролцох боломжоор хангаж өгөхийг хүсчээ.
