ТАХИЛТЫН ЗАМД ЯВГАН ХҮНИЙ ГАРЦААР ГАРЧ ЯВСАН 12 НАСТАЙ ОХИНЫ АМИНД ХҮРСЭН ЖОЛООЧИД ЯЛ ОНООЖЭЭ
Өнгөрсөн 9-р сард СХД-ийн нутаг дэвсгэр, Тахилтын замд явган хүний гарцаар гарч явсан хоёр хүүхдийг дайрсан ноцтой осол гарсан билээ. Ослын улмаас 12 настай охин амиа алдаж, нөгөө хүүхэд нь гэмтсэн юм. Осол гаргасан жолоочийн гэм буруугийн шүүх хурал СХД-ийн Эрүүгийн хэргийн анхан шатны шүүхэд өнөөдөр боллоо. Шүүх жолоочийг гэм буруутайд тооцон, нээлттэй хорих ангид 4 жил, 6 сар хорих ял оноосон байна.
