С.Эрдэнэ Л. Гантөмөр хоёрын эвлэрэл АН-ыг эмхлэх болтугай

Хэдэн жил эв эе ололцохгүй  зөрүү харж сууж, өвөр хоорондоо тулалдаад байсан АН-ынхан нэг юм учраа олов бололтой. Улс төрийн зүтгэлтэн   С.Зориг агсны хөшөөнд өнөөдөр  цэцэг өргөснөөр  С.Эрдэнэ Л.Гантөмөр хоёр эвлэрснээ зарлав. Учир нь энэ өдөр С.Зориг агсны  төрсөн өдөр. Бас МАН-ынхан болон хууль хяналтынхан  төрсөн өдрийг нь тохиолдуулан санаатай юу, үгүй нь мэдэгдэхгүй ч  түүнийг захиалгаар хөнөөсөн гэх хэрэгт сэжиглэгдэж байсан Т.Чимгээ Б.Содномдаржаа , Ц.Амгаланбаатар нарт холбогдох хэргийг хэрэгсэхгүй болгосноо зарласан. Харин өнөөдөр АН-ын хоёр тийш харж суусан сэтэртэн тамагтнууд нэгдэж, улс төрийн  нэрт зүтгэлтэн  С.Зориг агсны  хөшөөнд цэцэг өргөснөөр эвлэрлээ зарлаж буй нь бас санамсаргүй хэрэг биш.  Юутай  ч С.Эрдэнэ Л.Гантөмөр хоёрын эвлэрэл  АН-ын эмхлэх болтугай гэж ерөөе.