Монголын байт харвааны эрэгтэй баг Хятадын багийг яллаа
Ханжоугийн Азийн наадмын сонгодог байт харвааны багийн төрлийн тэмцээн үргэлжилж байна. Монголын эрэгтэй шигшээ баг 16-д БНХАУ-ын багийг хожлоо. Б.Отгонболд, Ж.Гантөгс, Б.Буянтүшиг нарын бүрэлдэхүүнтэй Монголын баг 5:1-ээр талбайн эздийг илүүрхсэн юм. Хятадын баг энэ онд Туркийн Антальяд болсон Дэлхийн цомын тэмцээнд түрүүлсэн билээ. Монгол залуус шөвгийн наймын харваагаа энэ сарын 6-нд Энэтхэгийн багтай цэц мэргэнээ сорих хуваарьтай байна.
