Хошёорюү С.Бямбасүрэн тэргүүлэгчийн хоёрдугаар эгнээнд бичигдэж явна
Мэргэжлийн сүмо бөхийн гуравдугаар сарын тэмцээн таван өдрийн ард гарлаа. Башёг Аби, Оносато, Такэрүфүжи нар унаагүй тэргүүлж байгаа бол нэг унаатай хоёр бөх нэхэж байна. Өчигдөр ёкозүна Тэрүнофүжи Г.Ган-Эрдэнэ (2:3), Тамаваши Б.Мөнх-Оргил (1:4), Рога А.Амарсанаа (3:2) нар уналаа. Харин озеки Хошёорюү С.Бямбасүрэн (4:1), Киришима Б.Лхагвасүрэн (1:4) нар давлаа. Залуу озеки нарын тухайд Киришима Б.Лхагвасүрэн энэ башёгийн эхний даваагаа авсан бол Хошёорюү С.Бямбасүрэн тэргүүлэгчийн хоёрдугаар эгнээнд бичигдэж байна.
