Голд живсэн таван настай хүүгийн цогцсыг 13 хоногийн дараа олжээ
Өнгөрсөн сарын 26-нд Хэнтий аймаг, Биндэр сум Онон багийн "Онон голын баруун салаанд тоглож байгаад таван настай хүү живчихлээ” гэсэн дуудлага мэдээлэл бүртгэгдсэн.
Энэ өдрөөс Хэнтий аймгийн Онцгой байдлын газар болон Баян-Адарга сум дахь Эрэн хайх, аврах бүлгийн алба хаагчид эрэн хайх ажиллагааг явуулж эхэлсэн.
Улмаар есдүгээр сарын 2-ноос хүч нэмэгдүүлэн хайсаар эрлийн 13 дахь өдөр буюу есдүгээр сарын 7-ны өглөө цогцсыг олжээ.
