Газрын хөрс энэ сарын дундуур хөлдөж эхэлнэ
Цаг уурын байгууллагаас хөрс 20 см-ийн гүн хүртэл хөлдөж эхлэх хугацааг цаг агаарын бодит болон урьдчилсан мэдээнд үндэслэн тооцоолон гаргасан байна. Тодруулбал, Хангай, Хэнтий, Хөвсгөлийн уулархаг нутаг, Дархадын хотгор, Булнай, Гичгэний нуруугаар аравдугаар сарын дундуур, баруун аймгуудын зарим, говийн нутгийн ихэнх хэсгээр арваннэгдүгээр сарын эхээр, бусад нутагт аравдугаар сарын сүүлчээр байх төлөвтэй байна.
