Хүүгийн цогцсыг анх алга болсон газраас ЦЕГ-аас 3-4 км, ОБЕГ 9 км зайтай олдсон хэмээн мэдээлэв
Хүү алга болсон цэгээс явганаар шулуун явахад 9 км, бартаа саад ихтэй, автомашинаар явахад 18 км-ын зайтай газар байсан хэмээн ОБЕГ мэдээлсэн гэдгийг бид өмнө нь хүргэсэн. Тухайлбал, Хүүгийн цогцсыг анх онцгой байдлын эрлийн ажилчид олсон байна. Тодруулбал, Хөвсгөл аймгийн Тариалан сумын Баянхошуу багийн “Сайхан мод” гэдэг газраас сураггүй алга болсон бага насны хүүхдийг буцалтгүй нэрвэгдэгч болсон байхыг эрлийн багийнхан /2025.09.25/-ийн 15:30 цагийн үед олсон хэмээсэн.
Тодруулбал, Эрэн хайх ажиллагаа явуулж байсан Онцгой байдлын байгууллагын алба хаагчид Тариалан сумын “Давааны ар” багийн нутаг Баянбэлчирийн даваа, Нялуугийн рашааны урд энгэрээс хүүхдийн цогцсыг олж, Цагдаагийн алба хаагчдад хүлээлгэн өгсөн байна. Одоогийн байдлаар Цагдаагийн байгууллагаас тухайн газрыг хамгаалалтад авч, мөрдөн шалгах ажиллагааг эхлүүлээд байгаа.
Зураг дээр харуулсан тойрог бол Координатын буюу агаарын замыг ойролцоогоор харуулжээ. Өөрөөр хэлбэл дээрээс хиймэл дагуулын тусламжтайгаар харвал 3-5 км буюу нарийвчилбал 3 км-ын радиуст, харин уулын даваа гүвээг тооцоод шулуунаар явган явбал 9 км, машинаар бартаа, шигүү мод, давааг тойрч явбал 18 км явах аж. Анх олсон нь ОБЕГ 15.30-д, харин баталгаажуулж ЦЕГ-т мэдээлсэн нь 16.20 юм байна. Харин олдсон газрын зураг дээрх цагаан цэг нь алга болсон газраас зүүн хойд зүг ба зурагны зүүн дээд буланд байгаа зүг заасан тэмдэглэгээнд байна. Үзмэрч бөө нарын хэлсэн баруун хойд зүг биш. Харин ээжийнх нь зөгнөсөн зүүн хойд зүг гэж ажиглалаа.
Гэхдээ мэргэжлийн байгууллагаас дахин мэдээллийг өгөх байх.
“Хөвсгөл аймгийн Тариалан сумын Баянхошуу багийн “Сайхан мод” гэдэг газраас сураггүй алга болсон бага насны хүүхдийг буцалтгүй нэрвэгдэгч болсон байхыг эрлийн багийнхан өнөөдөр/2025.09.25/-ийн 15:30 цагийн үед оллоо.
Тодруулбал, Эрэн хайх ажиллагаа явуулж байсан Онцгой байдлын байгууллагын алба хаагчид Тариалан сумын “Давааны ар” багийн нутаг Баянбэлчирийн даваа, Нялуугийн рашааны урд энгэрээс хүүхдийн цогцсыг олж, Цагдаагийн алба хаагчдад хүлээлгэн өгсөн байна.
Тус газар нь сийрэг модтой, хүүхэд алга болсон цэгээс явганаар шулуун явахад 9 км, автомашинаар явахад 18 км-ын зайтай газар аж.
Одоогийн байдлаар Цагдаагийн байгууллагаас тухайн газрыг хамгаалалтад авч, мөрдөн шалгах ажиллагааг эхлүүлээд байна” гэв.
Эрэн хайх ажиллагаа ямар маршрутаар явж байсан, хүүхдийн цогцос олдсон газрыг өмнө нь самнасан эсэх талаар мэдээлэлгүй байна” гэсэн юм.
