Сард хүүхдүүдээс 1.5 сая төгрөг авдаг ''Амила'' цэцэрлэг хүүхэдтэй зүй бус харьцаж, эцэг эхчүүдээс зайлсхийх болжээ
Баянзүрх дүүргийн 26-р хороонд үйл ажиллагаа явуулдаг "Амила" цэцэрлэгийн эцэг эхчүүд багш нарыг хүүхэдтэй зүй бус харьцсан, хүүхдүүдийн хоол цайны аяга тавгийг ариутгах, халдваргүйжүүлэлт хангалтгүй байгааг хэлж байна.
Түүнчлэн энэ цэцэрлэгт явдаг хүүхдүүд бэртэж гэмтэн гэртээ ирэх нь элбэг болсон байна. Цэцэрлэгийн удирдлагуудад камер шүүж үзэх хүсэлт тавихаар зөвшөөрдөггүй бөгөөд боломжгүй хэмээдэг аж. Сард хүүхдүүдийн төлбөр гэж нэг хүүхдээс 1.5 сая төгрөг авдаг энэ цэцэрлэгийн үйл ажиллагаа эцэг эхчүүдэд нээлттэй бус байгаад эцэг эхчүүд гомдолтой байгаа аж. Мөн тэд хүүхдийн хүчирхийлэлийн утас болон холбогдох газруудыг шалгалт хийхийг хүсч байгаа юм байна. Хамгийн сүүлд л гэхэд хоёр хүүхэд хөхөрсөн, хавдсан гэртээ иржээ.
