ХАВРЫН ДУНД ШАРАГЧИН ТУУЛАЙ САРЫН, БАР ӨДӨР 

БИЛГИЙН ТООЛЛЫН 6 2025.04.03 / ПҮРЭВ ГАРАГ 

ХАВРЫН ДУНД ШАРАГЧИН ТУУЛАЙ САРЫН ХОЁР ХАР ХАР БАР ӨДӨР 

Үс засуулбал: Өнгө зүс сайжирна 

Наран ургах, шингэх: 06:26-19:24 

Барилдлага: Хотол чуулган

Шүтэн барилдлага: Сэрэхүй

Суудал: Төмөр 

Аргын тооллын дөрөвдүгээр сарын 3, Бархасбадь гараг. Билгийн тооллын 6, Гөрөөсөн толгой одтой, хар бар өдөр. Өдрийн наран 06:26 цагт мандан, 19:24 цагт жаргана. Тухайн өдөр морь жилтнээ аливаа үйлийг хийхэд эерэг сайн ба луу, хонь, нохой, үхэр жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр найз нөхдийг түшиж элдэв үйлийг түргэн бүтээх, бүтээл туурвил эхлэх, бизнес эхлэх, цар ихтэй үйлийг эхлэх, бясалгал хийх, доодсыг асран өглөг, хандив өргөх, хараал, жатгыг буцаах, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, тангаргаа буцаахад сайн. Золиг гаргах, бомбын үйл, хүүхэд хөлд оруулахад муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулбал өнгө зүс сайжирна.